Мученик Феодор Черниговский Молитвы

Дни памяти:  Сентябрь 20,  Февраль 14

Величание

Величаем тя, /
благоверный княже Михаиле, /
и с болярином твоим Феодором,/
и чтим святую память вашу,/
иже за Христа кровь свою излиясте, /
и ныне молите за нас Христа Бога нашего.

Тропарь Михаилу, кн. Черниговскому, и болярину его Феодору, чдтвв., мчч. и испп.

Жизнь вашу мученически совершивше, /
исповедания венцы украсившеся, /
к небесным востекосте, /
Михаиле премудре с доблим Феодором, /
молите Христа Бога /
сохранити отечество наше и люди, /
по велицей Его милости.

Тропарь Перенесение мощей

Троичнаго Божества осиянием просветився, /
страстотерпче великий княже Михаиле,/
с премудрым болярином ти Феодором,/
самозванна к подвигом устремистася,/
сквозе огнь не идоста,/
кусту же и идолом не поклонистася, но оплеваста /
и нечестиваго царя обличиста,/
Христа же Единаго от Троицы Бога Суща исповедаста./
И того ради кровей своих струями обагристася, славная./
Темже и венцы от Него победная прияста,/
и нас свыше назираета,/
молим вас, святыя, молите Того,/
яко да вашими молитвами избавит нас от всяких обстоящих ны зол /
и подаст нам вся благая,/
Иже Един Сый прославляемый во святых Своих.

[Жития] [Иконы] [Молитвы] [Храмы] [Святыни]