Тропари соборам святых. Собор Тульских святых.

День памяти:  Сентябрь 22

Величание

Величаем вас, /
святии вси, в земли Тульстей просиявшии, /
и чтим святую память вашу, /
вы бо молите о нас /
Христа Бога нашего. Величание (святым воинам, на Куликовом поле за веру и Отечество души свои положившим): Величаем вас, /
святый благоверный княже Димитрие и мученицы-воини, /
и почитаем честную память вашу, /
вы бо на поле Куликове за веру и Отечество души своя положивше, /
подвигом любви землю Российскую прославили есте.

Тропарь Собору Тульских святых

Наста день светлаго торжества, /
земля наша радуется, /
и с нею Церковь Христова веселится, /
в прославлении собора Тульских святых, Богу угодивших; /
к ним же мы притекающе, взываем сице: /
о, преславнии сродницы наши, /
молите Христа Бога, /
даровати миру мир, /
отечеству благоденствие, /
и душам нашим велию милость.

[Житие] [Иконы] [Молитвы] [Храмы] [Святыни]