Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2018


Рейтинг@Mail.ru


Сильвестр Обнорский, Пошехонский, прп.

Дни памяти: 25 апреля, 23 мая (Ростов.)

Иконы

Жития

  • Преподобный Сильвестр Обнорский
  • Молитвы


    Тропарь преподобного Сильвестра Обнорского
    глас 6
    Иже измлада Христа возлюбив/ и верою к Нему приближся,/ изнурил еси, в пустыни живый, многострадальное тело твое./ Тем, блаженне Сильвестре, со Ангелы ликовствуя,/ моли Христа Бога мир мирови даровати/ и буди помощник верою призывающим тя на помощь/ и чтущим святую память твою.
    Ин тропарь преподобного Сильвестра Обнорского
    глас 4
    Яко добр блаженнаго Сергия ученик,/ вере и благочестию его подражая,/ стяжал еси даров Духа Святаго сокровище/ и силы многи соделал еси о Господе/ во спасение и утешение верных./ Не остави убо и нас, с верою притекающих к тебе,/ Сильвестре преподобне.
    Кондак преподобного Сильвестра Обнорского
    глас 6
    Подвигом добрым подвизался еси, преподобне,/ и душу твою, яко жертву чисту и непорочну,/ Духу Святому принеся еси,/ и по смерти твоей стадо твое духовное соблюдавши,/ и в болезнех скоро посещавши./ Темже молим тя, преблаженне:/ с лики преподобных моли Христа Бога,/ да спасет православный христианы/ и подаст людем в мире глубоце устроитися, да зовем ти:/ радуйся, Сильвестре, иноком духовный пастырю и наставниче.
    Молитва преподобному Сильвестру Обнорскому
    О честная главо! Духа Святаго обиталище и Ангелов собеседниче, преблаженне отче Сильвестре! Житием богоугодным венец славы Небесныя стяжавый и у Гос­пода дерзновение велие имый, молися о рабех твоих, с верою твоея помощи требующих и с упованием на мило­сердие твое к тебе прибегающих. Испроси у Господа Человеко­любца всем людем, коемуждо для благаго жительствования и спасения потребная: Церкви — мир и тишину, православным христианом — на враги победу и одоление, недужным — исцеление, сирым — вспоможение, немощствующим верою — в вере утверждение, юным — в благо­честии воспитание, всем людем — безмятежие и от всех бед и скорбей избавление, воззываемым от жизни сея временныя — святое напутствие, преставльшимся — блаженное в Господе упокоение. Услыши, богоносне, усердное моление грешных и недостой­ных раб твоих и милости твоя богатыя излей на ны, да, щедротами твоими обогащаеми, славим всечестное и великолепое имя Отца, и Сына, и Святаго, Духа, ныне, и присно, и во веки веков. Аминь.
    © ПРАВОСЛАВИЕ.RU