Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Преподобный Тихон Луховский, Костромской

Дни памяти: 16 июня, 26 июня (Обретение мощей)

Иконы

Жития

  • Преподобный Тихон Луховский, Костромской
  • Преподобный Тихон, Луховской чудотворец
  • Молитвы


    Тропарь преподобного Тихона Луховского
    глас 4
    Желанием духовным в пустыню вселился еси/ и, тамо невозвратно шествовав Божественными стезями,/ достигл еси в Небесныя обители,/ и ныне со Ангелы предстоиши/ у Престола всех Царя Христа Бога,/ Емуже прилежно молися/ помиловати град сей и люди,/ верою празднующия пречестную память твою,// Тихоне преподобне, отче наш.
    Кондак преподобного Тихона Луховского
    глас 8
    Христовою любовию уязвився, преподобне,/ во след Его невозвратно шествовал еси,/ постом и воздержанием плотския страсти умертвил еси,/ бдением же и молитвами вселукаваго врага до конца низложил еси/ и слезами, яко елеем, свещу светлу себе уготовал еси;/ темже в Небесныя обители невозбранно вшел еси,/ идеже, радуяся, Господеви предстоиши,/ Емуже прилежно молися, молим тя,/ яко да милостив нам будет в День страшнаго Его пришествия,/ и да не пребудем и мы вне чертога Христова,/ но да сподобит ны одесную Себе стати/ молитвами твоими, преподобне, да зовем ти:/ радуйся, Богомудре отче наш Тихоне.
    Молитва преподобному Тихону Луховскому, Костромскому
    О священная главо, преподобне и достоблаженне отче наш Тихоне! Ты воистину муж желаний духовных и вторый Даниил показался еси. Якоже бо оный древних и дивных откровений сподобился, сице и ты, преподобне, восхождения в сердцы своем полагая, преспевал еси в добро­детелях, восходя от силы в силу и, яко добрый и верный раб, вшел еси в радость Господа твоего. Темже мы, яко духовная чада твоя, любовию побуждаеми, похвальная песнопения в честней памяти твоей по мере веры нашея тебе восписуем и молитвенно на помощь нашей немощи призываем. Смиренно молим тя, преподобне и преславне отче наш Тихоне: твоими благоприятными ко Господу молитвами заступи возлюбленную тобою пустыню сию, град же, и весь, и всех, верою чтущих святую память твою, от всякаго навета сопротивнаго, от всяких бед и напастей и от всякаго зла. Молися, преподобне, о стране нашей, умоли милостива Бога и о нас, смиренных и недостой­ных, да отпустит нам вся прегрешения наша, да спасет нас благодатию Своею и сподобит радости вечныя наслаждатися в Горнем онем Иерусалиме, иже есть мати всем нам, купно с тобою и со всеми святыми, от века Ему благоугодившими, в нихже в Троице славимый Бог благословен есть всегда, ныне и присно и во веки веков. Аминь.

    Сайт прихода:

    Храм прп. Тихона Луховского г. Волгореченск (Костромская епархия)

    Статья на Православие.Ru

    © ПРАВОСЛАВИЕ.RU