Святая великомученица Евфимия Всехвальная

Агница Твоя, Иисусе, Евфимия/ зовет велиим гласом:/ Тебе, Женише мой, люблю,/ и, Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Подвиги во страдальчестве, подвиги в вере/ положила еси тепле за Христа, Жениха твоего./ Но и ныне якоже ереси и врагов шатание/ под ноги воинству нашему покорити моли Богородицею,/ яже от шестисот тридесяти богоносных отец/ предел приемшая// и хранящая, всехвальная.

Во страдании своем добре подвизася/ и по смерти нас освящавши чудес течением, всехвальная./ Тем твое успение поем,/ верою прибегающе в Божественную твою церковь,/ да избавимся недуг душевных и чудес благодать почерпем.

Агница Твоя, Иисусе, Евфимия/ зовет велиим гласом:/ Тебе, Женише мой, люблю,/ и Тебе ищущи страдальчествую,/ и сраспинаюся, и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою;/ но яко жертву непорочную приими мя,/ с любовию пожершуюся Тебе.// Тоя молитвами, яко Милостив, спаси души наша.

Во страдальчестве твоем добре подвизалася еси/ и по смерти ны освящаеши чудес точеньми, всехвальная./ Темже твое успение святое поем,/ верою притекающе/ в божественный храм твой,/ да избавимся недугов душевных// и чудес благодать почерпем.

Жениха твоего Христа возлюбивши/ и свещу твою светлу уготовльши,/ добродетельми возсиявши, всехвальная Евфимие,/ тем возшла еси с Ним на брак,/ венец страдания от Него приемши./ Но от бед избави нас,/ чтущих верою память твою.