Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

"Взыскание погибших"

День празднования: 5 февраля

Иконы

Об иконе

  • Празднование Божией Матери в честь иконы Ее "Взыскание погибших"
  • Молитвы


    Тропарь Божией Матери в честь иконы Ея Взыскание погибших
    глас 7
    Радуйся, Благодатная Богородице Дево,/ во объятиях Своих Предвечнаго Младенца и Бога носившая./ Проси Его дати миру умирение/ и душам нашим спасение./ Сын бо Тебе, Богомати, вещает,/ яко вся прошения Твоя во благое исполнит./ Сего ради и мы припадающе, молим Тя/ и надеющийся на Тя, да не погибнем,/ имя Твое именуем:/ Ты бо еси, Владычице,/ Взыскание погибших.
    Тропарь Божией Матери в честь иконы Ея Взыскание погибших
    глас 4
    Взыщи нас, погибающих, Пресвятая Дево, не по грехом бо нашим наказуеши нас, но по человеколюбию милуеши: избави нас от ада, болезни и нужды и спаси нас.
    Кондак Божией Матери в честь иконы Ея Взыскание погибших
    глас 6
    Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас,/ верно зовущих Ти:/ ускори на молитву и потщися на умоление,/ предстательствующи присно, Богородице, чтущих Тя.
    Молитва 1-я
    О, Пресвятая и Преблагословенная Дево, Владычице Богородице! Призри милостивым Твоим оком на нас, предстоящих пред святою иконою Твоею и со умилением молящихся Тебе, воздвигни нас из глубины греховный, просвети ум наш, омраченный страстьмй, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице, Ты веси вся немощи и согрешения наша, к Тебе прибегаем и вопием: не остави нас Твоею Небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая Помощница и Заступница всем, притекающим к Тебе, и крепкое прибежище грешников кающихся. Подаждь убо нам, Преблагая и Всенепорочная Дево, христианский конец живота нашего, мирен и непостыден, и сподоби нас Твоим ходатайством вселитися в обителях Небесных, идеже непрестанный глас празднующих радостию славит Пресвятую Троицу, Отца, и Сына, и Святаго Духа, ныне, и присно, и во веки веков. Аминь.
    Молитва 2-я
    Заступнице усердная, Благоутробная Господа Мати, к Тебе прибегаю аз, окаянный и паче всех человек грешнейший, вонми гласу моления моего, вопль мой и стенания усльппи, яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающего; помилуй мя, кающагося в злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне, и присно, и во веки веков. Аминь.
    Молитва 3-я
    О Пресвятая Владычице и Богородице, высшая Херувим и честнейшая Серафим, Богоизбранная Отроковице, погибших Взыскание и всех скорбящих Радосте, подаждь утешение и нам, в погибели и скорби сущим, разве бо Тебе, иного прибежища и помощи не имамы. Ты Едина еси радости нашея Ходатаица и яко Матерь Божия и Мати Милосердия, предстоя у Престола Пресвятыя Троицы, можеши нам помощи: никтоже бо, притекаяй к Тебе, посрамлен отходит. Услыши убо и нас ныне, в день погибели и печали, пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же ны сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь.

    Служба

    Сайты приходов:

    Патриаршее благочиние приходов РПЦ в Туркменистане:
    Архангельская епархия:
    Барышская епархия:
    Бежецкая епархия:
    Борисоглебская епархия:
    Брянская епархия:
    Владивостокская епархия:
    Воронежская епархия:
    Выборгская епархия:
    Вятская епархия:
    Екатеринбургская епархия:
    Елецкая епархия:
    Иваново-Вознесенская епархия:
    Искитимская епархия:
    Калужская епархия:
    Криворожская епархия:
    Липецкая епархия:
    Минская епархия:
    Московская епархия (городская):
    Московская епархия (областная):
    Нижнетагильская епархия:
    Орловско-Болховская епархия:
    Пермская епархия:
    Пинская епархия:
    Покровская епархия:
    Ровенская епархия:
    Рыбинская епархия:
    Рязанская епархия:
    Салехардская епархия:
    Сан-Францисская и Западно-Американская епархия :
    Санкт-Петербургская епархия:
    Саратовская епархия:
    Саянская епархия:
    Смоленская епархия:
    Тульская епархия:
    Харьковская епархия:
    Чебоксарская епархия:
    Челябинская епархия:
    Щигровская епархия:
    © ПРАВОСЛАВИЕ.RU