Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

Донская

День празднования: 19 августа

Иконы

Об иконе

  • Донская икона Пресвятой Богородицы
  • Молитвы

    19 августа
    Тропарь Божией Матери пред иконой Ее Донской
    глас 4
    Заступнице верных Преблагая и Скорая,/ Пречистая Богородице Дево!/ Молим Тя пред святым и чудотворным образом Твоим,/ да, якоже древле от него заступление Твое/ граду Москве даровала еси,/ тако и ныне нас от всяких бед и напастей милостивно избави// и спаси души наша, яко Милосердая.
    Кондак Божией Матери пред иконой Ее Донской
    глас 8
    Взбранной Воеводе победительная,/ яко избавльшеся от злых,/ благодарственная восписуем Ти, раби Твои, Богородице,/ но, яко имущая державу непобедимую,/ от всяких нас бед свободи, да зовем Ти:// радуйся, Невесто Неневестная.

    Ин тропарь Божией Матери пред иконой Ее Донской
    глас 4
    Всепетая и Всеславная Царице Богородице,/ Мати всея твари Содетеля,/ христианская надежде и Заступнице,/ ненадеющимся и отчаявшимся скорое надеяние, молим Тя:/ милостива буди нам, грешным,/ не остави раб Твоих и не отрини моления недостойных./ Молимся, взирающе ко образу Твоему честному/ святыя и чудотворныя иконы Твоей и вопиюще:/ с плавающими и путешествующими да пребудет милость Твоя./ О Владычице, ризою Твоею честною защити,/ и во всяких местех злых верныя соблюди,/ и молися к Рождшемуся из Тебе Христу Богу нашему,/ да спасет от грех души наша.
    Ин кондак Божией Матери пред иконой Ее Донской
    глас 2
    В Небесныя обители преселившаяся с плотию,/ сущия на земли никакоже оставила еси, Богородице,/ образ Божественный и многочудесный Пречистаго Лица Твоего/ зрети любящим Тя и покланятися даровала еси,/ яко знамение Твоея благодати;/ чтим его, лобызающе.
    Молитва Божией Матери пред иконой Ее Донской
    О Пресвятая Владычице, Дево Богородице, Заступнице наша благая и скорая! Воспеваем Ти вси благодарственная за чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полцы чуждих, гради и веси невредими сохраняются, людие же от лютыя смерти избавляются. Осушаются очи слезящеи, умолкают стенания верных, плач в радость общую претворяется. Буди и нам, Пречистая Богородице, утешение в бедствиих, возрождение надежды, образ мужества, источник милости и в скорбных обстояниих неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злая сердца умягчи, братолюбие укрепи, мира и любве всех нас исполни. Примири, Благосердая Мати, враждующия и оправдай оклеветанныя. Истреби пороки, да не восходят греси наши пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго иного злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о Всепетая Дево, Святей Троице в вечней славе предстоиши. Удостой и нас с лики Ангелов и святых тамо восхвалити Пречестное Имя Сына Твоего, со Безначальным Его Отцем и Всесвятым и Благим и Животворящим Его Духом, во веки веков. Аминь.
    Ина молитва Божией Матери пред иконой Ее Донской
    О Всемилостивая Мати, Пречистая Дево Богородице! Услыши и приими моление мое. Призри на язвы души и тела моего, греси юности, забвеннии и утаеннии, отягчают совесть мою, омый мя струями слезными, сними бремя тяжкое, укрепи мя, да сотворю плоды достойныя покаяния. Тернием скорбей усыпан есть путь мой. Вем, яко правда Божия накажет мя, умоли милосердие Божие о мне. Призри на стенание мое, и исправи путь мой, и спаси мя и чада и ближния моя. Буди ми сокровище веры и Хранительница благочестия. Даруй несокрушимое терпение в бедах, от веры проистекающее. Изгони гнев, зависть, уныние, памятозлобие, нечистоту, леность; сими и большими пороки недугует душа моя! Примири враждующих, оправдай оклеветанных, просвети нас, Владычице, светом Сына Своего и даждь нам глаголати другом и чадом своим слово истины, твердое в правде, мирное любве ради, растворенное благоразумием, посети в болезнех и печалех сущих, да вси, под державным покровом Твоим сохраняеми, безбедно Царствия Небеснаго достигнем, хвалу воздающе за вся Человеколюбцу Богу всегда, ныне, и присно, и во веки веков. Аминь.
    Ина молитва Божией Матери пред иконой Ее Донской
    О Всемилостивая Мати, Пречистая Дево Богородице! Ты еси свет ума моего, радость сердца моего, сила воли моея. Услыши и приими моление мое. Призри на язвы души и тела моего, обогатихся страстьми, обнищах смирением. Исполнен есмь студа за злая дела и трепещу суда Божия. Греси юности, забвеннии и утаеннии греси отягчают совесть мою. Омый мя струями слезными, сними бремя тяжкое, греховное, да сотворю плоды достойныя покаяния. Тернием скорбей усыпан есть путь мой. Вем, яко правда Божия наказует мя. Умоли милосердие Божие о мне, призри на слезы моя и исправи и спаси мя и чада моя, буди ми сокровище веры и хранилище благочестия. Даруй несокрушимое терпение в бедах, от веры проистекающее, отыми дух праздности, уныния, любоначалия. Изгони гнев, зависть, памятозлобие, нечистоту, леность, сими и большими пороки недугует душа моя. Примири враждующия, оправдай оклеветанныя. Просвети нас светом Сына Твоего и даждь нам глаголати слово истины, твердое в правде, мирное любве ради, растворенное благоразумием. Посети в болезнех и печалех сущих, да вси, под державным покровом Твоим сохраняеми, безбедно Царствия Небеснаго достигнем, хвалу воздавающе за вся Человеколюбцу Богу. Аминь.

    Сайты приходов:

    Арсеньевская епархия:
    Астраханская епархия:
    Ахтубинская епархия:
    Белгородская епархия:
    Волгодонская епархия:
    Иваново-Вознесенская епархия:
    Калачевская епархия:
    Калининградская епархия:
    Магнитогорская епархия:
    Минская епархия:
    Московская епархия (городская):
    Московская епархия (областная):
    Песоченская епархия:
    Ростовская епархия:
    Ставропигиальные монастыри РПЦ:
    Тульская епархия:
    Шахтинская епархия:
    Южно-Сахалинская епархия:

    Статьи на Православие.Ru

    Божественная литургия в Сретенском монастыре в день празднования Донской иконы Божией Матери

    19 августа / 1 сентября 2017 г. Пятница 13-й седмицы по Пятидесятнице. Сретенский монастырь. Божественная литургия, молебен перед началом учебного года. Хор Сретенской духовной семинарии.

    Всенощное бдение в Сретенском монастыре накануне дня празднования Донской иконы Божией Матери

    18 / 31 августа 2017 г. Четверг 13-й седмицы по Пятидесятнице. Сретенский монастырь. Великая вечерня, утреня. Хор Сретенской духовной семинарии. (MP3 файл. Продолжительность 2:19:19 мин. Размер 66.9 Mb)

    Всенощное бдение в Сретенском монастыре накануне дня празднования Донской иконы Божией Матери

    18 / 31 августа 2014 г. Неделя 12-я по Пятидесятнице. Сретенский монастырь. Великая вечерня, утреня. Хор Сретенской Духовной Семинарии. (MP3 файл. Продолжительность 2:29:35 мин. Размер 107.8 Mb)

    Осенняя прогулка по некрополю Донского монастыря

    Антон Поспелов

    С XVII века Донской монастырь становится широко известным местом упокоения самых знаменитых людей современности.

    Икона Божией Матери Донская

    Надежда Дмитриева

    На Куликовом Поле Образ Пречистой был укреплен на древке и как хоругвь победоносно реял над русским воинством во время сражения. После битвы ратники преподнесли князю Димитрию эту икону в дар.
    © ПРАВОСЛАВИЕ.RU